Manbalar va metodika

Manbalar

• O‘zbekiston Respublikasi Milliy statistika qo‘mitasi (SIAT)
  Aholi, iqtisodiyot, sanoat, narxlar, mehnat bozori va boshqa rasmiy statistika viloyatlar kesimida.
• O‘zbekiston Respublikasi Markaziy banki
  Rasmiy valyuta kurslari.
• Jahon banki: World Development Indicators
  Xalqaro taqqoslanadigan makroiqtisodiy va ijtimoiy ko‘rsatkichlar (CC BY 4.0).
• Xalqaro valyuta jamg‘armasi: World Economic Outlook
  YaIM, inflyatsiya va davlat qarzi bo‘yicha baholar va prognozlar.
• Ochiq ma’lumotlar portali
  Davlat tashkilotlarining 13 mingdan ortiq ochiq datasetlari (CC BY-SA 4.0). Hozircha katalog sifatida.
• SOATO klassifikatori
  Hududlar va tumanlarning rasmiy kodlari.
• bank.uz
  Tijorat banklarining naqd valyuta sotib olish va sotish kurslari.
• O‘zbekiston Respublika tovar-xomashyo birjasi
  Birja savdolaridagi haftalik ulgurji narxlar: yoqilg‘i, kimyo, metall va boshqalar.
• Golden Pages
  Toshkentdagi yoqilg‘i quyish shoxobchalarida benzin va dizel narxlari.

Yangilanish

Ma’lumotlar oxirgi marta 19-oktabr, 2026-yilda yangilandi. Hozir bazada 3 471 ta ko‘rsatkich bo‘yicha 1 303 081 ta qiymat bor. Har bir ko‘rsatkich sahifasida manba va yangilangan sana ko‘rsatilgan.

Avtomatik matnlarda («o‘tgan yilning shu davriga nisbatan…») qiymat o‘tgan yilning aynan shu davri bilan solishtiriladi. Foiz bilan o‘lchanadigan ko‘rsatkichlarda farq punktlarda beriladi.

Ma’lumotlarni tozalash

Rasmiy manbalarda ham xatolar uchraydi. Biz ularni yashirmaymiz, lekin raqamlarni o‘zgartirmasdan quyidagi qoidalarni qo‘llaymiz:

• Statistika qo‘mitasi ko‘rsatkichni yuritishni to‘xtatgach, ba’zan keyingi yillarni barcha hududlarda 0 bilan to‘ldiradi. Bunday davrlar «ma’lumot yo‘q» deb hisoblanadi.
• Respublika qatorida 0 turgan-u, kamida uchta viloyatda haqiqiy raqam bo‘lsa, bu 0 ham «ma’lumot yo‘q» deb olinadi.
• Davrlar yagona ko‘rinishga keltiriladi («2024Q3», «2024 Q3» → «2024-yil III chorak»). Ma’nosi aniq bo‘lmagan davrlar tashlanadi.
• Hududlar SOATO kodlari bo‘yicha bog‘lanadi. Hudud bo‘lmagan kesimlar (iqtisodiyot tarmoqlari, mamlakatlar, yosh guruhlari) alohida saqlanadi.

Rasmiy va real raqamlarni solishtirish

Solishtiruv sahifasida rasmiy raqamlar mustaqil o‘lchovlar bilan yonma-yon ko‘rsatiladi: XVF, Jahon banki va Xalqaro mehnat tashkiloti baholari, bozor narxlari, tijorat banklari kurslari va yoqilg‘i shoxobchalaridagi narxlar. Faqat bir xil narsani o‘lchaydigan juftliklar solishtiriladi. Masalan, yillik o‘rtacha inflyatsiya yillik o‘rtacha bilan, dekabrdan dekabrgacha bo‘lgani esa dekabrdan dekabrgacha bo‘lgani bilan.

Foydalanish shartlari

Barcha ma’lumotlarni bepul va ro‘yxatdan o‘tmasdan ko‘rish, yuklab olish va o‘z ishingizda ishlatish mumkin. Iltimos, asl manbani ko‘rsating. Masalan: «Manba: Milliy statistika qo‘mitasi, statistikalar.uz orqali». Dasturchilar har bir ko‘rsatkichni JSON ko‘rinishida /data/indicators/{slug}.json manzilidan olishi mumkin.